Музычны марафон «Тalaka.Party: Музычны цэх» распачаўся ў Мінску

1 лютага а 12-й гадзіне ў галерэі ЦЭХ распачаўся 12-гадзінны музычны марафон Talaka.Party: Музычны цэх. З 12:00 да 24:00 выступяць 16 беларускіх гуртоў.

Сярод іх як маладыя гурты, так і дастаткова вядомыя — J:MOPC, Палiна Рэспублика, “Нагуаль”, ili-ili і іншыя. Усе гурты выступаюць абсалютна бясплатна.

Ініцыятарамі мерапрыемства выступае платформа Talaka.by і гурт ili-ili.

Для тых, у каго не атрымаецца прыйсці, а таксама для жыхароў іншых гарадоў зарганізавана анлайн-трансляцыя.