Выставу ў Вілейцы адкрые дэфіле

У выставачнай зале імя Сілівановіча Вілейскага музея 27 жніўня а 17 гадзіне адбудзецца адкрыццё выставы дызайнера адзення віляйчанкі Таццяны Уладыка.

– Выстава пройдзе ў рамках праекта "ART-Vilejka". Творчы шлях". Ён ставіць на мэце паказаць творчы шлях маладых творцаў Вілейшчыны, – расказала навуковы супрацоўнік Вілейскага краязнаўчага музея Надзея Аўдзей.

На выставе будуць прадстаўлены эскізы да першай калекцыі Таццяны Уладыка “Silk jazz melody” і само адзенне на манекенах. Працягнецца выстава да канца верасня.

На адкрыцці выставы адбудзецца дэфіле мадэляў у адзенні з названай калекцыі.

Алесь ВЫСОЦКІ.

Фота ann-kos.blogspot.com