Мінкульт аб'яўляе конкурс кінапраектаў на вытворчасць нацыянальных фільмаў
10.09.2012 01:15
—
Новости Культуры
Мінкульт аб'яўляе конкурс кінапраектаў на вытворчасць нацыянальных фільмаў
Міністэрства культуры аб'яўляе адкрыты рэспубліканскі конкурс кінапраектаў на вытворчасць нацыянальных фільмаў і фільмаў у рамках сацыяльна-творчых заказаў, паведамляе прэс-служба Мінкульта.
Конкурс праводзіцца з мэтай павышэння ролі нацыянальнай кінематаграфіі ў сацыяльна-культурным жыцці грамадства, захавання і развіцця традыцый нацыянальнага кінамастацтва; павышэння мастацкага ўзроўню фільмаў і іх відовішчнага патэнцыялу; стымулявання сумеснай фільмавытворчасці; развіцця дзяржаўна-прыватнага партнёрства ў сферы кінематаграфіі.
Тэрміны правядзення конкурсу:
8 кастрычніка - 6 лістапада 2012 | прыём заявак на ўдзел у конкурсе кінапраектаў |
да 20 студзеня 2013 | разгляд кінапраектаў конкурснай камісіяй і падвядзенне вынікаў конкурсу |
Прэс-служба Мінкульта нагадвае, што з 2012 года ў кінавытворчасці Беларусi ўведзены новыя падыходы і прынцыпы фінансавання. У адпаведнасці з Указам прэзідэнта ад 05.12.2011 № 567 "Аб мерах па дзяржаўнай падтрымцы і стымуляванні развіцця кінематаграфіі" прынятая пастанова Савета Міністраў ад 24 лютага 2012 г № 174 "Аб зацвярджэнні Палажэння аб адкрытым рэспубліканскім конкурсе кінапраектаў на вытворчасць нацыянальных фільмаў і фільмаў у рамках сацыяльна-творчых заказаў". У сувязі з названымі нарматыўнымі прававымі актамі ўсе кінапраекты, якія прэтэндуюць на частковае або поўнае фінансаванне за кошт сродкаў рэспубліканскага бюджэту, адбіраюцца на конкурснай аснове.