У Гродна прайшоў міжнародны фестываль джаза

Паводле задумы арганізатараў, музычная імпрэза павінна была падкрэсліць еўрапейскі стыль жыцця горада.

4 снежня на сцэне філармоніі выступілі гурты Port Mone, Stop Time і польскі Grzegorz Karnas Trio. У рамках фестываля “Grodno Jazz” гродзенцам прадставілі беларуска-швейцарскі праект Kazalpin. У перапынку ўсіх ахвотных вучылі таньчыць сальсу і маляваць на пяску.

Гэты шосты па ліку канцэрт “Grodno Jazz”. Фэст арганізуе гродзенскі шоўмэн Сяргей Фінскі пры падтрымцы мясцовых уладаў і польскага консульства. Наступны “Grodno Jazz” мае адбыцца ў чэрвені 2012 года ў двары Новага замка.