Эксперты прааналізавалi перспектывы развіцця амерыканістыкі ў Беларусі

3 лістапада ў Мінску адбыўся Міжнародны круглы стол “Амерыканістыка ў Беларусі і еўрапейскі культурны досвед: перспектывы развіцця”.

Па словах генеральнага дырэктара Цэнтра міжкультурнага дыялогу Любові Уладыкоўскай, за круглым сталом сабраліся прадстаўнікі самых розных сфер дзейнасці: дыпламаты, кіраўнікі бізнес-асацыяцый Беларусі, прадпрымальнікі, прадстаўнікі шэрагу рэлігійных канфесій і інш. Падчас сустрэчы быў прааналізаваны стан амерыканістыкі ў Беларусі і абмеркаваны шляхі і формы выкарыстання амерыканскага эканамічнага і культурнага вопыту ў нашай краіне з улікам досведу еўрапейскіх краін.

Было прынята рашэнне по кожнаму з напрамкаў прысвяціць асобны семінар, а па выніках дэталёвай працы экспертаў падрыхтаваць і выдаць спецыяльную брашуру.

Круглы стол быў арганізаваны Цэнтрам міжкультурнага дыялогу пры падтрымцы Амбасады ЗША ў Рэспубліцы Беларусь з удзелам Інстытута сацыялогіі НАН Беларусі, Рэспубліканскай канфедэрацыі прадпрымальніцтва і Міжнароднага фонду “Залатая спадчына Віцебска”.