Прэм’ера культурнага года

Выставай мастачкі Наталлі Палішчук у Нацыянальнай бібліятэцы адкрыўся Год культуры Украіны ў Беларусі Гэта не першая прэзентацыя твораў мастачкі за межамі Украіны: творы Наталлі Палішчук раней пабывалі ў Польшчы, Славакіі, Венгрыі, Аўстрыі. Асноўная тэма яе творчасці — любоў да роднай зямлі і ўсяго свету. Пасол Украіны ў Беларусі Раман Бязсмертны пад час адкрыцця выставы адзначыў, што гэтым праектам пачынаецца Год культуры Украіны ў Беларусі. Ужо ў бліжэйшы час у Мінску пройдуць вернісажы, творчыя сустрэчы і канцэрты ўкраінскіх дзеячаў культуры і мастацтва.