Бібліятэкі Свіслацкага раёна ўключыліся ў рэспубліканскую акцыю "Чытаем па-беларуску"

У інфармацыйна-культурным туры "Ад роднай мовы і культуры да чалавецтва крок зрабі" кожная бібліятэка арганізавала кніжныя выставы, прысвечаныя роднай мове, беларускай літаратуры і фальклору.

Выстава "Зямлі маёй роднае слова" дзейнічае ў раённай цэнтральнай бібліятэцы. Тут можна пазнаёміцца з гісторыяй станаўлення беларускай мовы, творчасцю пісьменнікаў-юбіляраў, прынёманскіх паэтаў. Цудоўнае дапаўненне да кніжнай – выстава народных промыслаў. Вышытыя ручнікі, сурвэткі, саламяныя і ганчарныя вырабы – праца ўмелых рук свіслачан.