Гіганты ледавіковага перыяду – у Гістарычным музеі

У Гістарычным музеі (Мінск, вул.Маркса, 12) з 16 ліпеня да 29 жніўня працуе выстава «Гіганты ледавіковага перыяду» з фондаў Дзяржаўнага музея гісторыі Санкт-Пецярбурга «Петрапаўлаўская крэпасць».

Мадэлі жывёл для выставы адноўленыя па шкілетах даўніх вымерлых істот. Для гэтага выкарыстоўваліся сучасныя кампутарныя праграмы з трохмернай графікай. Экспанаты рухаюцца і могуць рыкаць! Зробленыя яны ў натуральны рост.

Дзецям таксама прапануецца зрабіць трафарэт-малюнкі жывёлаў, пагуляцца з мазаікай.

Білеты па 10 000 -- 15 000 рублёў. Дзецям да шасці гадоў уваход бясплатны.

Выстава працуе з 11:00 да 19:00 штодня, апроч панядзелка.