Мелодыі аднаго лёсу

Сяргей Картэс нарадзіўся ў Чылі, вучыўся ў Аргенціне, а стаў беларускім кампазітарам
На вечары з нагоды 75-годдзя народнага артыста Беларусі Сяргея Картэса ў Нацыянальным акадэмічным Вялікім тэатры оперы і балета гучала шмат яго цудоўнай музыкі, шчырых віншаванняў. Гэта — легендарная асоба як у музычнай, так і тэатральнай прасторы Беларусі: ён аўтар дзесятаў музычных партытур да спектакляў, пастаўленых у розныя гады ў вядучых тэатрах. І сам сябе маэстра, дарэчы, называе “чалавекам тэатра”. Гучыць яго музыка і ў беларускіх кінафільмах, у тым ліку такіх вядомых, як “Вазьму твой боль” і “Чорны замак Альшанскі”. У свеце ж Сяргея Альбертавіча ведаюць як аўтара пяці опер, балета, інструментальных і вакальна-сімфанічных цыклаў твораў.

Пётр Арэшка