У Беларусі выздаравелі і выпісаны 52854 пацыенты з COVID-19
У Беларусі на 8 ліпеня выздаравелі і выпісаны 52 854 пацыенты, у якіх раней быў пацверджаны дыягназ COVID-19. Аб гэтым БЕЛТА паведамілі ў прэс-службе Міністэрства аховы здароўя.
Зарэгістраваны 64 224 чалавекі са станоўчым тэстам на COVID-19. Усяго праведзена 1 087 245 тэстаў.
За ўвесь перыяд распаўсюджвання інфекцыі на тэрыторыі краіны памерлі 443 пацыенты з шэрагам хранічных захворванняў з выяўленай каранавіруснай інфекцыяй.