Падрыў помніка Сталіну ў Запарожжы перакваліфікаваны ў тэракт

У Запарожжы абласная пракуратура кваліфікавала падрыў помніка Сталіну, які адбыўся ў Запарожжы позна вечарам 31 снежня, як тэрарыстычны акт,

паведаміла ў сераду ўкраінскаму агенцтву УНІАН прэс-сакратар пракурора вобласці Мар’яна Піскунова.

Позна вечарам 31 снежня ў будынку запарожскага абласнога камітэта Кампартыі Украіны прагрымеў выбух, якім быў цалкам разбураны помнік Сталіну.

Піскунова нагадала, што першапачаткова справа была распачатая па артыкуле 194 Крымінальнага кодэкса Украіны (наўмыснае знішчэнне або пашкоджанне маёмасці шляхам выбуху), аднак пасля азнаямлення з дадатковымі матэрыяламі пракуратура прыняла рашэнне аб перакваліфікацыі злачынства.