У Кітаі школьны аўтобус зваліўся ў вадаём: загінулі 9 дзяцей

У Кітаі адбылося другое за суткі буйное ДТЗ: у правінцыі Хунань школьны аўтобус зваліўся ў вадаём.

Пра гэта паведамляе кітайскае агенцтва «Сіньхуа».

У выніку аварыі загінулі дзевяць дзяцей, яшчэ 10 чалавек атрымалі раненні рознай ступені цяжкасці, акрамя таго, адзін пасажыр лічыцца зніклым без вестак. Па факце аварыі праводзіцца расследаванне, аб прычынах ДТЗ не паведамляецца.

Яшчэ адно буйное ДТЗ адбылося ў суседняй правінцыі Гуйчжоу: грузавік урэзаўся ў аўтазаправачную станцыю, ахвярамі аварыі сталі сем чалавек, яшчэ 15 параненыя. Прычынай здарэння магла стаць дрэнная бачнасць, выкліканая моцным туманам.

Паведамляецца, што ў выніку ДТЗ у Гуйчжоу сутыкнуліся 100 аўтамашын, якія ўжылі экстранае тармажэнне, заўважыўшы, што грузавік урэзаўся ў АЗС.