Экс-дыктатара Аргенціны зноў прысудзілі да пажыццёвага

daylife.com

Былога аргенцінскага ваеннага дыктатара Хорхе Рафаэля Відэлу прысудзілі да пажыццёвага зняволення за злачынствы супраць чалавечнасці.

Відэла, якому цяпер 84 гады, раней быў асуджаны па абвінавачванні ў забойстве больш за 30 палітычных зняволеных у 1976 годзе.

Відэла, які ўжо адбывае пажыццёвае зняволенне за злачынствы, здзейсненыя ім падчас праўлення ваеннай хунты, быў адным з больш чым 20 абвінавачаных на цяперашнім працэсе.

З 1976 па 1983 гады ў Аргенціне падвяргаліся катаванням і былі забітыя больш за 30 тысяч чалавек.

Відэла, які ўзначальваў ваенную хунту да 1981 года, лічаць галоўным архітэктарам Бруднай вайны — так называюць жорсткія дзеянні аргенцінскіх уладаў, скіраваныя на прыгнечанне і запалохванне апазіцыі.