Нацыяналісты выйгралі выбары ў Каталоніі

Кіроўная ў Каталоніі Сацыялістычная партыя пацярпела паразу на выбарах у гэтым рэгіёне Іспаніі.

Аналітыкі разглядаюць вынікі галасавання як пратэст выбаршчыкаў супраць палітыкі жорсткай эканоміі, якая праводзіцца прэм’ер-міністрам краіны Хасэ Луісам Радрыгесам Сапатэра.

Перамогу на выбарах атрымала партыя «Канвергенцыя і саюз Каталоніі», якая патрабуе для рэгіёну большай незалежнасці ад Мадрыда.

У ліку дэпутатаў, якія атрымалі месца ў новым складзе рэгіянальнага парламента, — былы прэзідэнт футбольнага клуба «Барселона» Жаан Лапорта, абраны як кіраўнік нешматлікай партыі, якая выступае за незалежнасць Каталоніі.

Суперматч «Барселона» — «Рэал», што пройдзе сёння ў сталіцы Каталоніі (пачатак, а 22-й) пройдзе куды весялей.