У Венецыі самы дарагі грамадскі транспарт у свеце

Сайт Price of Travel апублікаваў рэйтынг цэн на грамадскі транспарт у 80 гарадах свету.

На першым месцы ў рэйтынгу ідзе сталіца Венесуэлы Каракас, дзе паездка на метро каштуе $0,12, а на аўтобусе — $0,28.

Другім стаў Каір, сталіца Егіпту, дзе праход у мятро будзе каштаваць $0,17. Вар’іруюцца кошты на выкарыстанне метрапалітэна ў горадзе, які заняў трэцюю пазіцыю, — Дэлі, Індыя. Там за паездку прыйдзецца заплаціць ад $0,18 да $0,66.

Месцы ў пяцёрцы самых танных гарадоў занялі балівійскі Ла Пас і малайзійскі Куала-Лумпур. Самы дарагі грамадскі транспарт з даследаваных гарадоў у Венецыі, Італія. Там за адну паездку на рачным трамваі пасажырам прыйдзецца заплаціць $8,90.

Стваральнікі рэйтынгу адзначаюць, што бралі ў разлік толькі папулярныя сярод турыстаў горада. Аднак іх заінтрыгаваў выпадак з паўночнакарэйскім Пхеньянам. Калі камусьці пашчасціць патрапіць у гэту краіну, то перасоўвацца па краіне ён будзе толькі пад наглядам суправаджальніка. Еекаторыя з турыстычных праграм складаюцца з паездкі на метро.

За праезд прыйдзецца заплаціць менш за $0,03 — каля 90 беларускіх рублёў, што робіць метро ў Пхеньяне самым танным у свеце.

Мінскае метро ў рэйтынг не трапіла. Праезд у метро ў сталіцы Беларусі каштуе 700 рублёў. Гэта $0,23.