Аун Сан Су Чжы – за перамовы з хунтай

Лідар дэмакратычнай апазіцыі М’янмы заклікала палітычныя партыі краіны, у тым ліку прадстаўнікоў кіроўнай вайсковай хунты, да кампрамісу.

Аун Сан Су Чжы пасля вызвалення, daylife.com

У інтэрвію Бі-Бі-Сі яна выказала гатоўнасць сустрэцца з прадстаўнікамі вайсковага ўрада, каб абмеркаваць шляхі да нацыянальнага замірэння.

Напярэдадні Су Чжы была вызваленая з-пад хатняга арышту ў Янгоне, пасля чаго сустрэлася з актывістамі забароненай партыі «Нацыянальная ліга за дэмакратыю», кіраўнічкай якой яна з’яўляецца.

Агулам за апошнія 21 год лаўрэат Нобелеўскай прэміі міру Аун Сан Су Чжы правяла пад вартай каля 15 гадоў.