Кубінцам дазволілі адкрываць прыватны бізнэс

Адміністрацыя Кубы на чале са старшынём дзяржаўнай рады выспы Раулем Кастра апублікавала новы звод правілаў,

паводле якіх кубінцы ўпершыню за апошнія 50 гадоў змогуць адкрываць прыватны бізнэс і наймаць на працу супрацоўнікаў.

Сума падатковых адлічэнняў будзе залежаць ад велічыні прыбытку. У сярэднім падатковыя стаўкі складуць ад 25 да 50%.

Пры гэтым прадпрымальнікі, штогадовы даход якіх складае менш за 5 тысяч кубінскіх песа (каля $200), будуць вызваленыя ад падатку.

Улады Кубы разлічваюць, што новаўвядзенні ажывяць эканоміку выспы і будуць спрыяць стварэнню новых працоўных месцаў