У ЗША суддзя адмовіла Пентагону ў адтэрміноўцы па справе «Don't ask, don't tell»

Федэральны суддзя ЗША Вірджынія Філіпс у аўторак адмовіла Пентагону ў адтэрміноўцы ўступлення ў сілу яе пастановы ад 12 кастрычніка аб прызнанні закона «Don’t ask, don’t tell» («Не пытай, не кажы») неканстытуцыйным.

Нягледзячы на тое, што з 2008 Барак Абама заяўляе аб неабходнасці скасавання закона, які абмяжоўвае магчымасць для геяў служыць у арміі ЗША, яго адміністрацыя заявіла аб тым, што арміі неабходны час для «перабудовы».

Прынцып «Не пытай, не кажы» мае на ўвазе, што асобы нетрадыцыйнай сэксуальнай арыентацыі не маюць права служыць у войску ЗША. Аднак калі дадзеныя грамадзяне знаходзяцца на службе ва ўзброеных сілах, яны не павінны расказваць аб сваёй арыентацыі; у той жа час, ніхто не мае права ў іх пра гэта пытацца.

Гэты закон уступіў у сілу ў ЗША ў 1993, з тых часоў з шэрагаў узброеных сіл было звольнена больш за 12,5 тысяч вайскоўцаў-геяў.