Кандаліза Райс прызнала памылкі іракскай вайны

Прэзідэнт ЗША Барак Абама надоечы правёў з былым дзяржсакратаром ЗША Кандалізай Райс сустрэчу, падчас якой абмяркоўваліся пытанні нацыянальнай бяспекі.

Як паведаміла прэс-служба Адміністрацыі прэзідэнта, сустрэча праходзіла ў Авальным кабінеце і доўжылася каля паловы гадзіны.

У прэс-службе дадалі, што Райс таксама расказала прэзідэнту пра сваю нядаўна выдадзеную кнігу мемуараў.

Пра іншыя падрабязнасці сустрэчы не паведамляецца.

Раней у пятніцу Райс узяла ўдзел у прэс-канферэнцыі, на якой прызналася, што пры правядзенні ваеннай аперацыі ў Іраку былі дапушчаныя памылкі.

Яна выказалася ў абарону Джорджа Буша, назваўшы яго рашэнне аб пачатку вайны «супярэчлівым».

«Гісторыкі могуць спрачацца, ці правільна было ліквідаваць Садама Хусэйна менавіта ў той момант. Аднак мы палічылі, што гэтую праблему ў любым выпадку давядзецца вырашаць», — сказала Райс.