Меркель: Канцэпцыя мультыкультурнасці ў Германіі не працуе

Канцлер Германіі Ангела Меркель, выступаючы на сходзе Хрысціянска-дэмакратычнай партыі заявіла, што

спробы яе краіны пабудаваць мультыкультурнае грамадства пацярпелі поўную паразу.

Ангела Меркель патлумачыла, што канцэпцыя мультыкультурнасці, якая прадугледжвае, што людзі, якія прадстаўляюць розныя культурныя традыцыі, могуць мірна суіснаваць, не працуе ў Германіі.

Нямецкі канцлер таксама дадала, што

хоць іслам і з’яўляецца часткай Германіі, імігрантам трэба прыкладаць больш намаганняў, каб інтэгравацца ў нямецкае грамадства, уключаючы неабходнасць вывучыць нямецкую мову.