Лік ахвяраў паводкі ў Пакістане дасягнуў 1400 чалавек

Пакістанскі ўрад абмеркаваў крызісную сітуацыю ў сувязі з вялізнай паводкай на паўночным захадзе краіны. Прэм’ер-міністр Юзуф Рэза Гілані заклікаў членаў кабінета актывізаваць выратавальныя працы і ацаніць памер стратаў. Пакістанскія вайскоўцы заявілі пра завяршэнне аперацыі ў справе выратавання жыхароў, якія апынуліся адрэзанымі ад свету.

Паводле місіі ААН, Пакістан перажывае найгоршую паводку ў памяці людзей, яна закранула больш як 3 мільёны чалавек. Лік ахвяраў дасягнуў 1400 чалавек.