У Кыргызстане забітыя 14 чалавек

Як найменей 14 чалавек загінулі ў выніку новай успышкі гвалту на поўдні Кыргызстана. Міністэрства аховы здароўя паведаміла, што прыкладна 150 чалавек былі параненыя.

Паводле паліцыі, у бойках мінулай начы ўдзельнічалі некалькі тысяч чалавек. Групы маладых людзей у Ошы і іншых гарадах вобласці білі вокны, палілі аўтамабілі. Выкарыстоўвалася агнястрэльная зброя.

Напярэдадні пераходны ўрад увёў надзвычайнае становішча ў Ошы і трох суседніх раёнах. У шэрагу паведамленняў непарадкі зьязваюцца з этнічнымі канфліктамі паміж кіргізамі і ўзбекамі.Паўднёвы Кыргызстан быў апірышчам зрынутага ў красавіку прэзідэнта Курманбека Бакіева.

Радыё Свабода