На Кубе мітынг супраць гамафобіі пры падтрымцы ўладаў

На вуліцах Гаваны адбылося шэсце абаронцаў правоў геяў і лесьбіянак. Тысячы маладых людзей ішлі, танцуючы і спяваючы. Яны неслі рознакаляровыя сцягі і былі апранутыя ў яркую вопратку ў знак таго, што сексуальная арыентацыя таксама можа быць рознай. Шэсце ўзначаліла дачка кубінскага прэзідэнта Рауля Кастра. Дэманстрацыя прайшла менавіта сёння, бо акурат 20 гадоў таму СААЗ прызнала, што гомасэксуалізм — гэта не разумовае захворванне.