У Ірландыі і Шатландыі зноў зачыненыя аэрапорты

Улады Ірландыі і Вялікабрытаніі зноў вымушаныя былі ўвесці абмежаванні на палёты ў сувязі з новым воблакам вулканічнага попелу.

Усе аэрапорты ў Ірландскай рэспубліцы і Паўночнай Ірландыі, а таксама частка аэрадромаў Шатландыі былі зачыненыя, хоць удзень аэрапорты Ірландыі могуць адкрыцца.

У выніку перарваных авіязносінаў лідэр брытанскіх кансерватараў Дэвід Камерон не змог вылецець у Паўночную Ірландыю, каб прыняць удзел у выбарчай кампаніі.