Порна з расійскай апазіцыяй у галоўнай ролі

Хтосьці запісаў вядомых расійскіх апазіцыйных журналістаў і палітыкаў падчас сэксу з маладой жанчынай і змясціў яго ў інтэрнэце.

У адным з фільмаў у галоўнай ролі — сатырык і журналіст Віктар Шандаровіч, у іншым -чалец Нацыянал-бальшавісцкай партыі і старшыня антыкрамлёўскай кааліцыі «Другая Россия» Эдуард Лімонаў. На наступным — лідэр правых груп, што вядуць барацьбу супраць нелегальнай іміграцыі, Аляксандр Поткін.

Відэа з’яўляецца працягам серыі, якая з’явілася ў інтэрнэце ў сярэдзіне сакавіка. Тады схаваная камера зняла лідэра групы «Салідарнасць» Іллю Яшына, публіцыста апазіцыйнай «Новай газеты» Дзмітрыя Арэшкіна і галоўнага рэдактара часопіса «Рускі Newsweek» Міхаіла Фішмана. Усе трое давалі хабар міліцыянтам. Фішмана яшчэ знялі, калі ён нюхаў белы парашок, седзячы на канапе побач з аголенай жанчынай.

Усе прызнаюць, што відэа сапраўднае. Калі з’явілася відэа з хабарам і Фішманам, Яшын у «Новай газеце» прызнаў, што ў той жа кватэры меў сэкс з дзвюма жанчынамі — Кацяй Герасімавай і Насцяй Чукавай, якія прадставіліся яму як мадэлькі.

Шандаровіч так пракаментаваў у сваім блогу відэа з яго удзелам:

«Дзяўчыну шматразовага выкарыстання Кацю я пазнаў яшчэ на здымках у „Новай газеце“. Я ведаў, што без кіно са мною не абыдзецца, і што хутка прэм’ера. Калі я прачытаў артыкул Яшына, я абразіўся. Таварышы чэкісты! Гэта дыскрымінацыя па ўзроставай прыкмеце. Маладым апазіцыянерам вы даяце дзвюх дзяўчат і дозу какаіну, а нам, пяцідзесяцігадовым, толькі адну?».

Па словах Шэндэровіча за ўсім гэтым стаяць людзі прэм’ер-міністра Уладзіміра Пуціна. На радыё «Рэха Масквы» сатырык сказаў, што, паводле яго крыніц, існуе шмат аналагічных фільмаў, якія будуць выкарыстоўвацца для дыскрэдытацыі палітычных апанентаў і асобных чыноўнікаў.

Журналісты газеты «Новое время» сцвярджаюць, што гэта частка гульні памі прэзідэнтам Дзмітрыем Мядзведзевым і Пуціным перад прэзідэнцкімі выбарамі 2012 году, доказам чаго з’яўляецца няўдалая спроба дыскрэдытаваць некалькі чальцоў скліканай Саветам Мядзведзевым Рады па развіцці грамадзянскай супольнасці.

Падобныя думкі мае журналіст Юлія Латыніна, але высмейвае аўтараў фільмаў:

«Эдуард Лімонаў сам у сваіх кнігах апісаў свой сэкс з чорным у Нью-Ёрку. Як могуць яго дыскрэдытаваць палавыя кантакты з рускай мадэлькай? Той, хто стаіць за гэтай акцыяй, не пастараўся. Гэта дылетанцтва, якое толькі нагадвае працы спецслужбаў».
wiadomosci.gazeta.pl