Крымінальная справа ў Малдове: сын экс-прэзідэнта Вароніна падазраецца ў карупцыі

Крымінальная справа супраць сына экс-прэзідэнта Малдовы Уладзіміра Вароніна ўзбуджана па факце ўхілення ад выплаты падаткаў і адмывання грошай у асабліва буйных памерах.

Пра гэта паведаміў сёння на прэс-канферэнцыі ў Кішынёве намеснік дырэктара ўпраўлення крымінальнага пераследу ЦБЭПК Багдан Зумбряну.

Паводле прадстаўніка ЦБЭПК, папярэдні кантроль выдаткаў Алега Вароніна дасягнуў этапу, калі праверка немагчымая без узбуджэння крымінальнай справы.

Паводле звестак ЦБЭПК, у перыяд 2008-2009 гадоў Алег Варонін, выкарыстоўваючы сваю банкаўскую картку, у замежнай валюце аплачваў розныя тавары і паслугі за межамі Малдовы. Гэта сума эквівалентная 67 млн. лееў (больш за $5 млн.). Пры гэтым у ягонай дэкларацыі аб прыбытках за гэты перыяд значацца прыбыткі ў 4 млн. лееў (больш за $300 тыс.). У прыватнасці, ён жыў у шыкоўных гатэлях у Парыжы, Бухарэсце і Маскве, атаварваўся ў даражэзных крамах.

ЦБЭПК Малдовы запрасіў раней Алега Вароніна для дачы паказанняў з мэтай устанаўлення крыніцаў даходу. Пасля допыту Алег Варонін адмовіўся распавесці падрабязнасці журналістаў, спаслаўшыся на таямніцу следства.

Экс-прэзідэнт Малдовы і лідэр Партыі камуністаў Уладзімір Варонін назваў выклік свайго сына ў Цэнтр барацьбы з эканамічнымі злачынствамі і карупцыяй помстай яму.

Паводле малдаўскіх СМІ, Алег Варонін наўпрост ці праз даверчых асоб валодае шэрагам фірм і кампаній у сферы будаўніцтва, кантралюе турыстычны бізнес, цукровую прамысловасць, угодаў з зернавымі, паслугі інтэрнэту, чыгуначныя перавозкі і г.д.