Лукашэнка ў Кіеве сустрэнецца з Сікорскім

Сустрэча распачнецца каля 13.45, паведамляе gazeta.pl. Адмыслова дзеля гэтай сустрэчы міністр замежных справаў Польшчы Радаслаў Сікорскі паляцеў на інаўгурацыю прэзідэнта Януковіча, хоць там прысутны і прэзідэнт Польшчы Лех Качынскі.

Уранку ў Кіеве Сікорскі меў паўгадзіннае спатканне з міністрам Мартынавым. На сустрэчы з Лукашэнкам гаворка пойдзе пра напружанне ў беларуска-польскіх адносінах у выніку ціску Мінска на Саюз палякаў Беларусі.