МЗС Францыі зрабіў заяву наконт Саюза палякаў

Прэс‑сакратар французскага МЗС Бернар Валеро заклікаў ўлады Беларусі захоўваць правы усіх грамадзян, у тым ліку польскай меншасці ў Беларусі.

Акрамя таго, ён выказаў салідарнасць з палітыкай Польшчы у гэтым пытанні, перадае «Rzeczpospolita».

Адказваючы на пытанні пра рэакцыю Парыжа на рэпрэсіі ўладаў Беларусі ў дачыненні непрызнанага Саюза палякаў, Валеро адказаў, што «пытанне польскай меншасці ў Беларусі з’яўляецца прадметам клопату ўсяго Еўрасаюза».

Ён таксама зазначыў, што ў гэтай справе французскае МЗС мае такое ж стаўленне, як і вярхоўны прадстаўнік ЕС па вонкавай палітыцы, віцэ‑старшыня Еўракамісіі Кэтрын Эштан, якая ў аўторак асудзіла дзеянні беларускіх уладаў у дачыненні да польскай меншасці.