У Кіеве святкуюць сінюю перамогу

У Кіеве святкуюць перамогу "сіняга" кандыдата — Януковіча. Пад будынкам Цэнтрвыбаркаму другія суткі знаходзяцца некалькі тысячаў чалавек. Уваход у ЦВК ахоўваюць дзесяткі хлапцоў мужнага целаскладу. Лунае шмат сцягоў Партыі рэгіёнаў.

Людзей падвозяць і звозяць аўтобусамі, яны стаяць некалькі гадзінаў, а затым іх змяняюць новыя "святкуючыя". Са сцэны гавораць прамоўцы ад партыі Януковіча, а таксама з патрыятычным рэпертуарам выступаюць малавядомыя музычныя калектывы. Усе чакаюць прыезду новаабранага прэзыдэнта, але ён пакуль не спяшаецца да свайго электарату.