Гаіці: 300 тысяч чалавек засталіся без даху над галавой + фота

Землятрус на Гаіці разбурыў 10% будынкаў у сталіцы краіны Порт‑о‑Прэнс і пакінуў без прытулку каля 300 тысяч чалавек, паведамляюць прадстаўнікі ўпраўлення ААН па каардынацыі гуманітарных пытанняў.

У некаторых раёнах сталіцы, па ацэнцы супрацоўнікаў місіі ААН, разбураны да 50% дамоў.

Дакладная колькасць ахвяр пакуль невядомая, аднак, паводле апошніх звестак, яна перавышае 50 тысяч чалавек.