Ва Украіне памерлі ад грыпу 60 чалавек

Міністэрства аховы здароўя, паводле стану на 17:00 1 лістапада, пацвярджае 60 выпадкаў смерці ад грыпу і вострых рэспіраторных захворванняў, пачынаючы ад 19 кастрычніка ў заходніх абласцях краіны.

Найбольшая колькасць памерлых у Львоўскай вобласці — 29 чалавек.

Усяго ва Украіне захварэлі 191 431 чалавек, шпіталізавана — 7 тыс. 524 чалавек, паведамляюць украінскія СМІ.

Што да Беларусі, то паводле Мінздароўя на свіны грып тут захварэлі 59 чалавек, колькасць захварэлых на грып і ВРВІ не паведамляецца, але адзначаецца, што кожны дзень да дактароў у Мінску звяртаецца мінімум па 5‑6 тыс. чалавек.