Шумилинские спортивные новости

Шумілінскі барэц Вадзім Лягчонак (першы трэнер Юрый Сцяпанаў) выканаў нарматыў майстра спорту.

Вадзім атрымаў гэта высокае спартыўнае званне пасля таго, як выйграў кубак Рэспублікі Беларусь па грэка-рымскай барацьбе, розыгрыш якога праходзіў у Мінску.

14-15 лістапада лепшыя юныя барцы змагаліся за перамогу ў першынстве вобласці па грэка-рымскай барацьбе. Обальскія і шумілінскія спартсмены выйгралі па тры медалі.

Обальскі барэц Арсеній Лосеў перамог у вагавой катэгорыі 71 кг,  у Цімафея Карасёва (вагавая катэгорыя 48 кг)  другое месца, у Вячаслава Цітова (вагавая катэгорыя 80 кг) трэцяе месца.  Трэніруе барцоў Пётр Ганушчанка.

Данііл Антаноўскі з Шуміліна  стаў другім у вагавой  катэгорыі 92 кг, трэція месцы ў Рамана Хадунова (вагавая катэгорыя 48 кг) і Арцемія Абраменкі (вагавая катэгорыя 80 кг). Займаюцца хлопцы ў Юрыя Сцяпанава.

Шумілінскія спартсмены, якіх трэніруе Юрый Абраменка, удзельнічалі ў чэмпіянаце Беларусі па паўэрліфцінгу, які прайшоў у Мінску.

Нашы землякі выступалі ў  катэгорыі «жым лежачы».

16-гадовы Валянцін Канстанцінаў заваяваў другое месца ў абсалютным (калі не ўлічваюцца вагавыя катэгорыі) першынстве да 19 год.  Валянцін на першынстве выканаў нарматыў кандыдата ў майстры спорту.

Аляксей Крыўко,  які выступаў ва ўзроставай катэгорыі «ветэраны, 40-50 год», заняў трэцяе месца.

Аляксандр ШЭДЗЬКО.

Апублікавана ў №90 ад 19.11.2019 г.