Шумилинские спортивные новости

Каманда валейбалістак Шумілінскай СДЮШАР (трэнер Людміла Харкавец) заваявала трэцяе месца на абласным першынстве па валейболе, у якім бралі ўдзел спартсменкі 2004 года нараджэння і маладзей. Бронзавымі прызёрамі сталі Валянціна Ходзюш, Карына Ільінец, Яна Мясаедава, Наталля Казьміна, Кацярына Асташонак,  Марыя Кралько, Аксана Навіцкая, Анастасія Бабарэка, Аксана Быстрова, Кацярына Вінаградава, Аліна Ільінец і Паліна Сільчанка.

Бліскуча выступіў на чэмпіянаце Беларусі па паўэрліфцінгу дырэктар Шумілінскай ПМК-70 Аляксей Крыўко. На спаборніцтвах шумілінскі асілак у жыме штангі лежачы падняў 200 кг. Гэты вынік забяспечыў Аляксею Крыўко званне чэмпіёна Беларусі ва ўзроставай катэгорыі 40-49 год.

У адкрытай узроставай групе (без уліку ўзросту) Аляксей Крыўко заняў другое месца.

Трэніруе чэмпіёна Беларусі Юрый Абраменка.

Сямнаццаць медалёў рознага гатунку заваявала каманда раённага цэнтра дзяцей і моладзі на адкрытым першынстве Віцебска па тэхнічных відах па вавінам в’ет во дао. Найбольш паспяхова выступілі Павел Талпегін (два першыя месцы), Антон Бабчанка (два другія месцы), Кацярына Дашкевіч (першае месца) і Данііл Букаў (другое і трэцяе месцы). Трэніруе спартсменаў Святлана Бараноўская.

Аляксандр ШЭДЗЬКО.

Надрукавана ў №95 ад 07.12.2019 г.