Спартландыя ад “Жыцця без межаў”

 

Да ўдзелу ў спаборніцтвах былі запрошаны члены грамадскай арганізацыі, наведвальнікі аддзялення дзённага знаходжання інвалідаў тэрытарыяльнага цэнтра сацыяльных паслуг, сябры раённага аддзялення БелТІЗ і Беларускага таварыства інвалідаў. Прадэманстраваць свае магчымасці можна было па чатырох відах спорту: дартс, кеглі, гарадкі, стральба са стрэйкбольнага аўтамата.

 Уладыслаў Макрыцкі стаў лепшым у кіданні дроцікаў і гарадках. Па кеглях найдакладней кідала мячык Люцыя Буцько, а страляў найлепш Дзіма Малашка, які выбіў 41 з 50 магчымых. Усе ўдзельнікі спаборніцтваў атрымалі падарункі і падзячныя лісты. Пераможцаў ўзнагародзілі граматамі, цукеркамі і мяккімі цацкамі. Затым усіх чакаў салодкі стол и дыскатэка.

Фінансы на правядзенне мерапрыемстваў зарабляюць самі сябры ГА “Жыццё без межаў”, а мяккія цацкі для прызёраў і пераможцаў падарылі спецыялісты цэнтра творчасці дзяцей і моладзі.

 

Ала КЛЕМЯНОК.

Фота аўтара.