У Вілейцы вызначылі найлепшых “снайпераў”

У суботу, 22 лютага, у гімназіі №2 працягнуліся раённыя спаборніцтвы “Снежны снайпер”.

На гэты раз змагаліся прадстаўнікі гарадскіх устаноў адукацыі.

Як і тыдзень таму, у сувязі з умовамі надвор’я лыжныя гонкі замянілі спаборніцтвамі па бегу. Яшчэ ўдзельнікі стралялі з пнеўматычнай вінтоўкі.

У малодшай групе перамагла каманда сярэдняй школы №3, другое – на рахунку навучэнцаў СШ №5, трэцяе – Вілейскай гімназіі №2.

У старэйшай групе лепшыя вынікі ў гімназістаў: першае месца за камандай гімназіі №2, другое – у гімназіі №1 “Логас”.  Замкнулі тройку прызёраў прадстаўнікі СШ №3, паведаміла дырэктар раённага цэнтра дадатковай адукацыі дзяцей і моладзі Жанна Скуратовіч.

Алесь ВЫСОЦКІ.