Лепшыя снайперы вучацца ў Чурлёнскім садзе-школе

У суботу, 15 лютага, адбыліся раённыя спаборніцтвы “Снежны снайпер” для ўстаноў адукацыі сельскай мясцовасці.

Праходзілі яны на базе Вілейскай гімназіі №2. “Снежны снайпер” звычайна складаецца са стральбы з пнеўматычнай вінтоўкі і лыжных гонак. Але ў сувязі з умовамі надвор’я лыжныя гонкі давялося замяніць спаборніцтвамі па бегу.

Першае месца і ў малодшай, і ў старэйшай групе заваявалі прадстаўнікі Чурлёнскага сада-школы, паведаміла дырэктар раённага цэнтра дадатковай адукацыі дзяцей і моладзі Жанна Скуратовіч.

Таксама ў абедзвюх групах другое месца занялі навучэнцы Даўгінаўскай сярэдняй школы. Трэцяе месца ў малодшай групе падзялілі каманды Мацькаўскага сада-школы і Людвіноўскай школы, а ў старэйшай яно на рахунку навучэнцаў Мацькаўскага сада-школы.

Алесь ВЫСОЦКІ.

Фота holiday.by