Маладзечанцы занялі першае месца ў сваёй групе ў міні-футболе

Папярэднія гульні першынства Мінскай вобласці па міні-футболе сярод ДЮСШ і СДЮШАР (юнакі 2002 года нараджэння) адбыліся 1 і 2 лютага.

Прадстаўнікі Маладзечанскага раёна - каманда мясцовай ДЮСШ - занялі першае месца ў сваёй групе.

Паводле інфармацыі сайта абласной федэрацыі футбола, маладзечанцы абыгралі усіх сапернікаў - прадстаўнікоў спартыўных школ Мінскага, Лагойскага, Дзяржынскага раёнаў, а камандзе з Чэрвеня было залічана тэхнічнае паражэнне.

Фінальныя гульні першынства Мінскай вобласці пройдуць 22-23 лютага ў Барысаве.

Аддзел інфармацыі.

Фота yarsport.ru