У дзясятку!

28 верасня на Старадарожчыне пройдзе яркае спартыўнае свята

Нацыянальны фестываль бегу «Языльская дзясятка» ў чарговы раз збярэ пад свае сцягі прафесіяналаў і аматараў спорту.

І зноў закіпіць спартыўны азарт на «Пяцісотцы», «Беларускай вярсце», у час міні-марафону і карпаратыўнага забегу, а таксама знакамітай «Языльскай дзясяткі», якая традыцыйна збірае найбольшую колькасць удзельнікаў. Дарэчы, напэўна, мала дзе на іншых стартах можна сустрэць такую колькасць маленькіх спартсменаў. Для іх нават заснавана асобная намінацыя — у час «Старадарожскіх забегаў» будуць высвятляць, хто самы хуткі, хлопчыкі і дзяўчынкі 4—6 гадоў.