Першага чэрвеня ў Мядзеле дзеці бясплатна будуць займацца ў фізкультурна-аздараўленчым цэнтры

У суботу, 1 чэрвеня, у фізкультурна-аздараўленчым цэнтры “Мядзел” пройдзе Дзень адчыненых дзвярэй. Прымеркаваны ён да Міжнароднага дня абароны дзяцей.

У гэты дзень паслугі цэнтра для дзяцей будуць бясплатныя, паведаміў дырэктар ФАЦ “Мядзел” Міхаіл Чаркасаў. Дзеці змогуць наведаць гульнявую і трэнажорную залы, міні-басейн. Для іх правядуць майстар-класы па аэробіцы, сілавому трэнінгу, навучанні плаванню, іншыя мерапрыемствы.

Аддзел інфармацый.

Фота 900igr.net