Маладзечанцы абыгралі віляйчан у чэмпіянаце Мінскай вобласці па футболе

18 мая на гарадскім стадыёне ў Вілейцы прайшла гульня першага тура чэмпіянату Мінскай вобласці па футболе.

Сустракаліся каманды “Вілія” (Вілейка) і “Маладзечна-ДЮСШ-4”. Матч завяршыўся з лікам 2:0 на карысць маладзечанцаў.

Першы гол маладзечанцы забілі са штрафнога бліжэй да заканчэння першага тайма, другі – на апошняй хвіліне матчу.

–  Госці мелі гульнявую і тэрытарыяльную перавагі, – расказаў старшыня федэрацыі  футбола Вілейскага раёна Ігар Шабан. – З-за таго, што субота была працоўная, віляйчане гулялі ў аслабленым складзе. Напрыклад, асноўны варатар з’явіўся на полі толькі ў другім тайме, а ў першым вароты абараняў палявы гулец.

Алесь ВЫСОЦКІ.

Фота newsgomel.by