Браты-маладзечанцы сталі пераможцамі па мотакроссе

Адкрытыя чэмпіянат і першынства Мінскай вобласці па мотакросе адбыліся ў нядзелю, 22 ліпеня.

Як ужо распавядала "РГ", спаборніцтвы праходзілі на другім кіламетры аўтадарогі Маладзечна-Вязынь.
У мотакросе свае сілы паспрабавалі 94 ўдзельнікі. Прадстаўнікі Ашмянаў, Гродна, Магілёва, Мінска, Санкт-Пецярбурга і Смаленска бясстрашна асвойвалі трасу. Шасэйная дарога падчас спаборніцтваў была перакрытая, таму на паміж матацыклістамі разгулялася сапраўдная барацьба.

Хуткасць матацыклаў і квадрацыклаў прыцягнулі шматлікіх гледачоў.

Пасля суддзі, на чале з Алегам Макагонам, падвялі справядлівыя вынікі.

Цікава, што ў спаборніцтвах ўдзельнічалі браты-маладзечанцы. Ігар і СяргейАсіповічы атрымалі перамогу ў асабістым першынстве на матацыклах з каляскай. Ашмянец Аляксандр Гіруць перамог у класе “Хобі”.
Астатнія ж пераможцы кожнага з класаў - жыхары Мінска і Ваўкавыска.

 Таццяна КАСЬЯН.