Спартыўны анонс: лыжы, дзюдо, хакей, валейбол і барацьба

Анонс спаборніцтваў, у якіх у бліжэйшыя выхадныя прымуць удзел спартсмены з нашага рэгіёну, прадставілі для “РГ” спецыялісты аддзела фізічнай культуры, спорту і турызму Маладзечанскага райвыканкама.

Валейбол. Папярэднія гульні ў рамках Алімпійскіх дзён моладзі Мінскай вобласці сярод дзяўчат 1996 года нараджэння і малодшых. 18 лютага. Стоўбцы.

Грэка-рымская барацьба. Рэспубліканскі турнір памяці воіна-інтэрнацыяналіста Сяргея Новікава. 17-18 лютага. Маладзечна, спартыўная зала дзіцяча-юнацкай спартыўнай школы №1 на вуліцы Ясінскага, 21. Пачатак спаборніцтваў у 10 гадзін.

Дзюдо. Рэспубліканскія спаборніцтвы сярод юніёраў у рамках Алімпійскіх дзён моладзі. 18-19 лютага. Маладзечна, спартыўная зала спартыўна-забаўляльнага цэнтра. Пачатак – у 10 гадзін.

Лыжныя гонкі. Фінальныя спаборніцтвы Мінскай вобласці сярод сельскіх жыхароў у рамках абласной спартакіяды. 18-19 лютага. Маладзечна, парк Перамогі. Пачатак – у 11 гадзін.

Хакей. Гульня чэмпіянату Беларусі паміж камандамі Мінскай і Гомельскай абласцей. 19 лютага. Маладзечна, лядовая арэна спартыўна-забаўляльнага цэнтра. Пачатак – у 15 гадзін.

Сяргей ЗЯНЬКО.