Зборная апусцілася на 53-е месца

У рэйтынг-лісце, апублікаваным ФІФА, наша зборная па футболе апусцілася з 37-га на 53-е месца. За апошні месяц наша каманда правяла два матчы: адборачны да Еўра-2012 супраць Албаніі і таварыскі супраць Канады. Абодва нашы прайгралі з лікам 0:1. Колькасць набраных беларускай зборнай ачкоў знізілася з 634 да 557. Найлепшым вынікам нашай каманды было 36-е месца, якое мы займалі ў лютым 2011-га. Рэйтынг узначальвае каманда Іспаніі, далей ідуць Галандыя і Бразілія. Германія, Аргенціна, Англія, Уругвай, Партугалія, Італія і Харватыя складаюць топ-10.

Алена КРАВЕЦ.