«Шахцёр» стартаваў з перамогі на Кубку Садружнасці

У Санкт-Пецярбургу стартаваў ХІХ Кубак Садружнасці (былы Кубак чэмпіёнаў краін СНД і Балтыі).

Ад Беларусі ў ім удзельнічае сярэбраны прызёр чэмпіянату краіны салігорскі «Шахцёр», бо БАТЭ адмовіўся ад удзелу.

У першым матчы "Шахцёр" выйграў у туркменскага «Небітчы» з лікам 2:1 (Алумона, 17. Пятроў, 71 — Мярэдаў, 90).

Сёння ў нашай групе «С» пецярбургскі «Зеніт» (ад чэмпіёнаў Расіі бярэ ўдзел моладзевы склад) выйграў у эстонскай «Флоры» - 1:0.

У нядзелю «Шахцёр» згуляе з «Зенітам», у аўторак — з «Флорай». У наступны этап выходзяць дзве каманды з групы.