Вялікі хакей вяртаецца ў сталіцу

Пасля 10-дзённага перапынку аднаўляюцца матчы чэмпіянату Кантынентальнай хакейнай лігі. Мінскае «Дынама» правядзе аж пяць гульняў запар на «Мінск-Арэне».

Сёння, 22 снежня, беларускі клуб згуляе з казахстанскім «Барысам». Пачатак, а 19:00. Кошт білетаў ад 8 тыс. да 40 тыс.

Дагэтуль у КХЛ «Дынама» і «Барыс» сустракаліся пяць разоў, і клуб з Казахстане пяць разоў выйграваў. Апошні раз у Астане — 2:4 (1 кастрычніка).

Апроч таго, у «Дынама» з Астаны перабраліся Штумпел, Спірыдонаў, Глазачаў, Подградскі, Неміроўскі.

«Дынама» зараз на спадзе. У сямі апошніх гульнях (3 дома, 4 у гасцях) клуб набраў толькі пяць балаў, прайграўшы тры апошнія гульні, і апусціўся на 7-месца ў Заходняй канферэнцыі.

***

24-га «Дынама» згуляе дома з «Югрой» (Ханты-Мансійск). 26-га — з «Авангардам» Яраміра Ягра, 29-га з «Атлантам» Віталя Коваля, а 4 студзеня — супраць «Віцязя».