Названыя склады на матчы футбольных нацыянальнай і моладзевай зборных

Галоўныя трэнеры нацыянальнай і маладзёжнай (U-21) зборных Беларусі па футболе Бернд Штанге і Георгій Кандрацьеў назвалі гульцоў, выкліканых на таварыскія матчы, якія пройдуць 17 лістапада.

На таварыскі матч у Маскаце супраць нацыянальнай зборнай Амана Бернд Штанге выклікаў 21 футбаліста:

варатары: Юрый Жаўноў («Зеніт», Санкт-Пецярбург, Расія), Антон Амельчанка («Растоў», Растоў-на-Доне, Расія), Сяргей Верамко (БАТЭ, Барысаў);

абаронцы: Ігар Шытаў, Сяргей Сасноўскі, Аляксандр Юрэвіч, Максім Бардачоў (усе — БАТЭ), Сяргей Амельянчук («Церак», Грозны, Расія), Аляксандр Мартыновіч («Краснадар», Расія), Дзмітрый Верхаўцоў («Нафтан», Наваполацк);

паўабаронцы: Ян Цігараў («Металург», Запарожжа, Украіна), Аляксандр Кульчый, Цімафей Калачоў (абодва — «Растоў») Сяргей Кісляк («Дынама», Мінск), Аляксандр Глеб («Бірмінгем», Англія), Антон Пуціла («Фрайбург», Германія), Вячаслаў Глеб («Шэньчжэнь Рубі», Кітай), Сяргей Крывец («Лех», Познань, Польшча);

форварды: Віталь Кутузаў («Бары», Італія), Віталь Радзівонаў (БАТЭ), Уладзімір Юрчанка («Дняпро», Магілёў).

На выязны таварыскі матч супраць маладзёжнай зборнай Ізраіля (U-20) Георгій Кандрацьеў выклікаў 21 футбаліста:

варатары: Арцём Гамелько («Нафтан», Наваполацк), Аляксандр Гутар (БАТЭ, Барысаў), Дзмітрый Гушчанка («Віцебск»);

абаронцы: Сяргей Палітэвіч («Нафтан»), Дзяніс Палякоў («Шахцёр», Салігорск), Юрый Астравух («Тарпеда», Жодзіна), Алег Вераціла («Дынама», Мінск), Яўген Савасцьянаў («Нёман, Гродна), Дзяніс Вобразаў («Дняпро», Магілёў), Віталь Гайдучык («Дынама», Брэст), Сяргей Мацвейчык («Гомель»), Арцём Рахманаў («Мінск»);

паўабаронцы: Мікіта Букаткін, Міхаіл Гардзяйчук (абодва — «Нафтан»), Станіслаў Драгун, Дзмітрый Рэкіш (абодва — «Дынама», Мінск), Міхаіл Сівакоў («Кальяры», Італія), Дзмітрый Бага, Павел Няхайчык (абодва — БАТЭ);

нападаючыя: Андрэй Варанкоў («Крыўбас», Крывы Рог, Украіна), Максім Скавыш (БАТЭ).