У Мінск прыехаў Мішэль Плаціні

4 кастрычніка ў Мінску праходзіць выязное пасяджэнне выканаўчага камітэта Саюза еўрапейскіх футбольных асацыяцый (УЕФА) пад старшынствам прэзідэнта УЕФА, у мінулым выдатнага французскага футбаліста Мішэля Плаціні.

Пасяджэнне выканкама УЕФА ў Беларусі праходзіць упершыню, на ім абмяркоўваюцца пытанні развіцця еўрапейскага футбола. Удзельнікі сустрэчы заслухаюць справаздачы старшыняў камітэтаў УЕФА, абмяркуюць ход падрыхтоўкі да чэмпіянату Еўропы 2012 года, вызначаць краіны, якія правядуць фінальныя стадыі наступных еўрапейскіх турніраў.