У паўфінале чэмпіянату свету беларускі згуляюць з Чэхіяй

fiba.com

У паўфінале жаночага чэмпіянату свету па баскетболе зборная Беларусі (галоўны трэнер — Анатоль Буяльскі) згуляе з гаспадынямі чэмпіянату зборнай Чэхіі.

Чэшскія дзяўчаты выйгралі сёння ў сваім чвэрцьфінале выйгралі ў Аўстраліі з лікам 79:68 (15:18, 20:14, 17:19, 27:17).

Паўфінал Чэхія — Беларусь пройдзе ў суботу, пачатак у 21:45 паводле беларускага часу.

Нагадаем, што сёння беларускі феерычна разграмілі самаўпэўненую зборную Расіі 70:53.

У другім паўфінале згуляюць зборныя ЗША — Францыя/Іспанія.

Фінал пройдзе ў нядзелю, пачатак у 21:00, матч за 3-е месца — у 18:30. Матчы паказвае тэлеканал «Лад».

Гульні праходзяць у Карлавых Варах.

Для беларусачак Анатоля Буяльскага — гэта першы чэмпіянат свету.