БАТЭ (Барысаў) — «Хабнарф’ёрдзюр» (Ісландыя) — 5:1

Источник материала:  
14.07.2010 21:00 — Новости Спорта
14 ліпеня барысаўскі БАТЭ пачаў свой шлях у новым розыгрышу Лігі чэмпіёнаў. Супернікам беларусаў стаў ісландскі клуб «Хабнарф’ёрдзюр».

Тры гады назад каманды ўжо сустракаліся ў рамках гэтага самага турніру. Тады ў гасцях барысаўцы былі мацней з лікам 3:1, а вось дома не перагулялі суперніка 1:1.

Варта адзначыць, што сёлета ў еўракубках гэта не першае процістаянне беларускіх і ісландскіх клубаў. Жодзінскае «Тарпеда» выбіла з розыгрышу Лігі Еўропы рэйк’явіцкі «Фюлкір».

Першы тайм матча ў Барысаве прайшоў пры істотнай перавазе БАТЭ, але прабіць масіраваную абарону «Хабнарф’ёрдзюра» не атрымлівалася. Ён так і скончыўся з лікам 0:0.

Затое ў другім тайме ісландцы пасыпаліся. І галоўным магільшчыкам «Хабнарф’ёрдзюра» стаў паўабаронца Павел Нехайчык. На ягоным рахунку хет‑трык. Яшчэ па аднаму голу забілі Рэнан Брэсан і Віталь Радзівонаў. Ісландцы змаглі адказаць толькі мячом Б’ёрнсана.

Лік 5:1 дазваляе БАТЭ досыць камфортна сябе адчуваць напярэдадні выездкі ў краіну гейзераў, што адбудзецца праз тыдзень.
Падзяліцца навіной: 
Зміцер Панкавец

←БАТЭ крупно выиграл у "Хабнарфьордюра" в первом матче 2-го квалификационного раунда Лиги чемпионов

Лента Новостей ТОП-Новости Беларуси
Яндекс.Метрика