У Францыі паказваюць чэмпіянат свету без гучання вувузел

Французскі тэлеканал Canal зрабіў сапраўдны падарунак сваім гледачам. Яны могуць глядзець трансляцыі з чэмпіянату свету па футболе 2010 года без дакучлівага гуку вувузел

— афрыканскіх дудак, бесперапыннае гучанне якіх выклікала буру незадаволенасці ў заўзятараў.

Як высветлілася, на тэлеканале вырашылі прымяніць тэхналогію падзелу гукавых частот, якую ўжываюць у кінатэатрах. Дзякуючы гэтаму гук вувузел з трансляцыі выключаецца, а шум натоўпу і галасы каментатараў застаюцца.

Сістэма была ўпершыню пратэставана ў аўторак, а ў чацвер падчас матчу Аргенціна ‑‑ Карэя ў яе якасці маглі пераканацца і гледачы. Па словах кіраўніка спартыўнага вяшчання Сірыл Лінет, гук быў практычна ідэальным.

rbc.ru